Impasigurado ni Migrant Workers Secretary Hans Leo Cacdac nga ited ti gobierno ti Pilipinas ti sibubukel a legal ken welfare assistance kadagiti innem nga Overseas Filipino Workers (OFW) a nakemmeg idiay Hong Kong.
Impaganetget ni Cacdac a makipatang ti Migrant Workers Office (MWO) iti Overseas Workers Welfare Administration (OWWA), Migrant Workers Office (MWO), ken Department of Foreign Affairs (DFA) babaen ti Philippine Consulate General (PCG) idiay Hong Kong tapno matulongan dagiti nakaibalud a worker.
Kinumpirmaran ti PCG idiay Hong Kong ti pannakaarestar dagiti innem a Filipino Foreign Domestic Workers (FDWs) ti Hong Kong Immigration Department (ImmD) iti maysa nga anti-illegal worker operation idiay Sham Shui Po.
Naala ti Hong Kong ImmD ti dental equipment tools a nausar para iti teeth scaling, orthodontic treatments, ken denture making.
