Awan ti Pilipino a nadangran idiay Riyadh, Saudi Arabia kalpasan dagiti drone ken ballistic missiles idi Biernes ken Sabado, segun iti Department of Migrant Workers.
Agtultuloy nga imon-monitor ti DMW, Philippine Embassy ken Consulate ti kasasaad dagiti Pilipino ken nakasaganada a mangted ti tulong kadagiti OFW nga agkasapulan iti tulong.
Segun iti Houthi military spokesman, naisayangkat ti panagraut kontra kadagiti dadduma a target idiay Riyadh ken dagiti pasilidad ti Aramco iti Yanbu kas panagibales kadagiti panagraut idiay Sanaa, Yemen.
Kabayatanna, pinasingkedan ti Saudi-led coalition a nalapdanda ti maysa a ballistic missile a mapan idiay Riyadh, ken binalakadan ti DMW dagiti Pilipino nga agalerto ken suroten ti safety advisories ti Saudi authorities.
