VIGAN CITY– “Mapukaw iti kinasagrado ti sakramento ti panagassawa”, dayta man iti kangrunaan nga inpaganetget ni Buhay Partylist Rep. Lito Atienza inaig iti pannakaiduron iti pannaka-aprubar iti divorce bill.
Mainaig iti dayta, patien met ni Atienza nga adda ti personal nga interest ni House Speaker Pantaleon Alvarez iti panangipila na ti nasao a gakat agsipud ta kayat na la ket ngarud iti mangikallaysa ti sabali a babai ta nabayag dan a nagsina ti asawa na.
Nu pay kasta, dakkel met iti pammati ti kongresista nga adu pay laeng a kongresista ti mangpaturay iti konsensya da ti panangaprubar iti nasao a gakat ngem saan da laeng nga agun-uni agsipud ta ti Alvarez iti nangipila, ket saan da a kayat a kontraen iti lider ti Kamara.
Kabayatanna, nu bilang maaprubaran idiay Kamara ti gakat ket patien iti dati a mayor ti Manila City a marigatan a maaprubaran idiay Senado ti gakat agsipud ta sukimaten to a nalaing dagiti senador ket saan da nga itulok a maaprubaran nga insigida.
