Inyunay-unay ni dismissed Mayor Alice Guo a biktima isuna iti operasion dagiti POGO ditoy pagilian.
Iti pannakaituloy ti hearing ti Senate Committee on Women, dinamag ni Senador JV Ejercito ken ni Guo no maibilang isuna a mastermind ti operasyon ti POGO ditoy pagilian.
Insungbat met ti dati a mayor a saan nga isu ti mastermind ken saanda a guilty.
Kasaruno dayta, naaddaanda dagiti senador iti executive session kenni Alice Guo.
Sakbay ti executive session, kinuna ni Ejercito a namnamaenna nga iti daytoy closed-door meeting, ibutaktak ni Guo no siasino ti most guilty iti nasao nga isyu.
Segun pay ti agpapanday-linteg a siguraduen ti Senado ti seguridad ni Guo no innaganna dagiti pudno a masterminda dagiti POGO.
Nakaituding a maituloy ti executive session dagiti senador a kadua ni dati a Mayor Alice inton sumaruno a lawas.
