Nagkiddaw ti pammakawan ti Diocese of Kalookan maipanggep ti seremonya iti “Salubong” iti Diocesan Shrine and Parish of the Immaculate Conception idiay Malabon idi Domingo Sabet, a nakagalotan iti maysa a billit iti balloon ken nakaunnat iti pakpakna.
Segun ti Diocese, dimmar-ay ni Cardinal Pablo Virgilio David iti selebrasyon ngem naimatanganna laeng ti unveiling manipod iti baba ket saannan nga ammo iti napasamak kalpasanna.
Inlawlawagna a nabayagen nga araramiden iti simbaan iti panagaramat ti live pigeon ta nataltalged nga alternatibo iti maysa nga ubing a nakasuot anghel, uray pay idi nalpas ti World War II ken impanamnamada a mawaywayaan ti billit kalpasan ti unveiling.
Saan pay nga inanamungan ti Bishop ti nasao nga addang a segun kenkuana ket saan laeng nga iti ayup no diketdi makapadakes dayta uray iti aglawlaw kangrunaan iti marine life a mabalin a makanb ti balloon no maipan iti kabaybayan.
Ingkari ti simbaan a saanen a maituloy pay iti pannakaipatayab dagiti balloon kadagiti selebrasyon iti masangwanan ken insigida a mawaya-wayaan ti billit kalpasan ti unveiling.
