Kinontra ni Department of the Interior and Local Government Secretary Jonvic Remulla nga adda uppat a nangato nga opisial ti gobierno ti nagplano nga ipakemmeg ni dati a Presidente Rodrigo Duterte.
Iti panagdengngeg ti Senate Committee on Foreign Relations, naipakita ti maysa nga interview ken ni Remulla ti maysa a news personality idi March 13 ket nasaludsod ni Remulla no isu ti adda iti likudan ti pannakapakemmeg ni Duterte.
Innayon ni Remulla nga awan ti panagplano sakbay ti aldaw a nakemmeg ni Duterte numan pay naibagana iti maysa nga interview nga isuda da Presidente Ferdinand Marcos Jr., National Security Council Adviser Eduardo Año ken Defense Secretary Gilbert Teodoro ti nagtignay wenno nangplano idi nairuar ti arrest warrant kontra ken ni Duterte.
Marso 10 idi nagpatangda ken natratar ti chismis laeng mainaig iti kinuna ni Duterte mismo bayat nga adda idiay HongKong nga adda mairuar4 a warrant of arrest kontra kenkuana a rimuar met iti kabigatanna, Marso 11 iti parbangon.
