Binalakadan ti Department of the Interior and Local Government ti publiko nga ipasa iti husto a forum dagiti reklamo kontra kadagiti ‘epal’ wenno abusado nga opisial ti lokal a gobierno.
Segun ken ni Interior Secretary Jonvic Remulla, mabalin a mapatawan iti preventive suspension wenno suspension dagiti opisial a mapaneknekan a managr-aramat kadagiti proyekto ti gobierno para iti bukodda nga interes.
Inlawlawag met ni Dennis Villaseñor, director ti DILG-National Barangay Operations Office a para kadagiti nabotosan nga opisial kas kadagiti Kapitan, kagawad, Sangguniang barangay members, ken Sangguniang Kabataan chair, ti reklamo ket nasken a maidatag iti nangatngato a sanggunian iti lokalidad.
Mabalin pay a maipasa daytoy iti Office of the Ombudsman, ngem saan a mabalin a maipasa nga agpada iti Ombudsman ken iti sanggunian ti reklamo.
