Napardas a naisubli dagiti naputed a telecommunications services kadagiti lugar a naapektaran ti naglabas a bagyo ken epekto ti Habagat, segun iti Department of Information and Communications Technology (DICT).
Binigbig ti DICT ti dagus a restoration efforts dagiti nadumaduma a telecommunications company tapno mapagtalinaed ti komunikasion kadagiti komunidad a naapektaran ti kalamidad.
Segun iti ahensia, paset daytoy iti “Digital Bayanihan”, no sadino agtitinnulong ti gobierno ken pribado a sektor tapno mapagtalinaed ti connectivity ken napaspas a maidanon ti kasapulan a serbisio iti publiko.
Agtultuloy met nga isingsingasing ti DICT ti natibtibker ken resilient a communications infrastructure tapno masigurado nga agtalinaed a konektado dagiti Pilipino iti oras ti pagkasapulan.
