Impakaammo ti Department of Foreign Affairs (DFA) nga epektibo ita nga aldaw iti mabalin a sumrek iti pagilian iti uneg iti sangapulo ket uppat nga aldaw ti Chinese nationals a saanen a kasapulan a mangala ti visa.
Gagem dayta a mapapigsa ti trade, investment ken turismo ken ti maaw-awagan a people-to-people exchanges iti nagbaetan iti Pilipinas ken China.
Segun ti DFA, silulukat ti visa-free entry privilege iti Chinese nationals a sumrek iti pagilian para iti turismo ken business purposes.
Inlawlawag ti DFA a ti visa-free privilege ket valid para iti entry laeng iti Ninoy Aquino International Airport (NAIA) idiay Metro Manila ken iti Mactan-Cebu International Airport (MCIA) idiay Cebu.
Ti laeng kasapulan nga aramiden ti Chinese national ket agipakita ti passport, kumpirmado a hotel accommodation wenno booking, ken return ticket nga agsubli iti sumaruno a destinasyon a pagilian.
Siguradoen ti DFA a nainget a suroten ti Bureau of Immigration no adda derogatory records ti biahero a Chinese a sumrek iti pagilian.
