--Ads--
Posible a mangiruar inton bigat ni Presidente Ferdinand Marcos Jr mainaig iti gakat a kissayan wenno ikkaten ti excise tax iti langis.
Kasaruno dayta ti naituding a panangipasa ti Development Budget Coordination Committee iti rekomendasionda iti presidente.
Ti DBCC, a buklen dagiti kangrunaan nga ahensia iti ekonomia ket mangisaysayangkat iti panagadal iti epekto ti agtultuloy a panagpangina ti presio ti langis iti pagilian.
Segun ken ni Palace Press Officer Atty. Claire Castro, adalen ti komite ken mangaramidda kadagiti addang tapno maliklikan ti epektona iti publiko.
-- ADVERTISEMENT --
Ur-urayen ti presidente ti resulta ti panagadal kas pagibasaran iti panagaramat iti emergency powers para iti polisiya iti fuel excise tax.
