Pinasingkedan ni Deputy Speaker Janette Garin a ti kangrunaan nga isyu iti impeachment trial ket saan a no naaddaan ti confidential funds ti maysa nga opisial, ngem no naaramat daytoy segun iti Constitution.
Segun ken ni Garin, ti confidential funds ket masapul laeng nga aramaten kadagiti gagem nga inkeddeng iti PD 1445 ken Joint Circular No. 15, kas dagiti operasion iti ilegal a droga, terorismo ken dadduma pay a patangan nga adda pakainaiganna iti seguridad.
Impaganetget ti agpampanday linteg a suksukisoken ti Impeachment court no sadino ti napanan ti pondo ken no naaramat met laeng daytoy basar iti linteg.
Iti agdama, mannarimaan pay laeng ti pannakatratar ti Article I ti articles of impeachment wenno ti maipagarup a saan a pannaka-aramat nga husto ti confidential funds.
