VIGAN CITY – Inlawlawag ti kaunaan a Bigueña psycholgist a ni Christian Guia Astom Florentino nga adu dagiti mabalin a rason no apay a mapanunot dagiti kaaduan a tattao ti agpakamatay ta mabalin a bipolar da wenno adda dagiti substance abuse, kasta pay a posible nga agsagsagaba da ti conduct disorder wennu depresyon.
Segun ken ni Florentino, ti depresyon ti kangrunaan a rason nu apay a mapanunut dagiti tattao a kettelen iti bukod da a biyag.
Dagiti sintomas a mabalin a maibaga a depressed ti maysa a tao ket no agkakapasut, saan a makapagpokus, marigatan nga agdesisyon ken mapanpanunut na iti agpakamatay, kasta pay nga awan ti ganas na a mangaramid kadagiti sigud na nga ar-aramiden.
Agsipud iti dayta, inbalakad ni Florentino a no agsagsagaba ti maysa a tao kadagiti nasao a sintomas ket agpatulong da nga insigida kadagiti medical doctor, psychiatrist wenno dagiti kas kenkuana a psychologist tapno maidalanda kadagiti sumagmamano a test ta saan a mabalin a maiyaleng–aleng laeng ti depresyon.
