Nangiruar ti Department of Education iti statement mainaig iti viral gradution ceremony idiay Antique a pakakitaan ti panangibaon ti principal kadagiti estudiante nga ikkatenda dagiti togada, ta kunana a saan a maipalubos.
Segun iti DepEd, saan nga iparit ti DepEd policy ti panagisuot iti toga, ken saan a maiparit iti salinong ti DepEd Memorandum No 27 series of 2025 ken iti salinong ti DepEd Order No. 009 series of 2023, ti prescribe attire para iti graduation ken moving ceremony ket pakairamanan ti casual wenno formal wear wenno school uniform.
Ti met toga wenno sablay ket mabalin latta met a maikawes kas optional supplementary garment.
Ladingiten met ti DepEd no kasano a ti okasyon ket nagbalin a parikut kadagiti agad-adal ken ti pamiliada, imbes a tiempo koma ti selebrasyon ken panagbalinda a proud.
Gapu iti pasamak, agimbestigar ti DepEd tapno maberipika dagiti pudno a pasamak ken masigurado latta ti accountability.
