--Ads--
Kiniddaw ti DepEd kadagiti banko ken dadduma pay a financial institutions a saanda a singiren ti utang dagiti mannursuro ken non-teaching personnel a naapektaran kadagiti kallabes a kalamidad.
Segun kenni Education Secretary Sonny Angara, panggepna a tulongan dagiti mangisursuro ken dagiti school personnel a makabangon iti epekto dagiti bagyo.
Kiniddaw ti DepEd ti tallo a bulan a moratorium ti panagkolekta iti utang manipud Enero agingga iti Marso 2025.
Kiniddaw pay ni Angara iti GSIS nga ipatungpal a moratorium para kadagiti staff ti departamento.
-- ADVERTISEMENT --
Nakiuman met ti DepEd iti Bangko Sentral ng Pilipinas tapno ibilangda a non-performing dagiti utang dagiti mangisursuro ken school personnel manipud Disiembre 2024 agingga iti Marso 2025.
