Binilin ti Department of Education (DepEd) dagiti ahensyada iti intero a pagilian a mangipatungpal iti uppat nga aldaw nga onsite work tunggal Lunes agingga Huebes idinto a work-from-home kada Biernes.
Paset dayta ti addang iti gobierno tapno makatiped iti enerhiya ken makissayan ti panagaramat iti langis iti baet ti agtultuloy a tensyon idiay Middle East.
Iti salinong ti DepEd Memorandum No. 018, series of 2026 a pinirmaan ni DepEd Secretary Sonny Angara, mangrugi ti baro a work setup ita Lunes ken agtalinaed agingga adda baro a bilin manipod Office of the President.
Karaman iti WFH arrangement ti non-teaching ken related teaching personnel, pakairaman dagiti contact of service ken job order employees.
Agtultuloy met dagiti teaching personnel iti regular class schedule-da ken school arrangements.
