--Ads--
VIGAN CITY – Pinasingkedan ti Department of Health (DOH) nga agkurang ti dentista iti Pilipinas.
Segun ken ni Health Secretary Ted Herbosa, dayta iti rason nu apay a marigatan iti gobierno a mangted ti access ti dental services para kadagiti marigrigat.
Iti agdama ket dua laengen ti government-owned dental schools iti pagilian nga isu ti University of the Philippines ken Western Visasyas State University.
Innayonna a nangina unay ti pagpatakder ti dental school ta minilion a pisos ti gatad ti dental equipment kas iti dental chair.
-- ADVERTISEMENT --
Imbilin ni Herbosa nga adalen manen ti dental health service law para ti posible a panagpangato ti sueldo ti government dentists ken ti panangidatag ti public-private partnership ti Philippine Dental Association.
