VIGAN CITY- Nangrugin nga agsangpet dagiti naduma duma a delegasyon a makipagpaset iti Batang Pinoy 2023.
Iti pannakiuman ti Bombo Radyo Vigan kenni Dindin Urquiaga iti Philippine Sports Commission, nakaituding a mapasamak ti Grand opening ti paay-ayam iton aldaw ti Domingo ( December 17) a manamnama a pakipartisiparan ti umabot 19,000 a tattao.
Innayon ni Urquiaga a napateg ti kastoy nga aktibidad ta babaen ti grassroots program ti gobierno ket ditoy a madevelop dagiti ubbing kadagiti sports a paglainganda agingga nga agbalinda a professional athletes iti pagilian.
Pakabuklan a duapulo ket lima nga ayayam ti sakupen ti batang Pinoy 2023 ket namnamaenda a babaen iti dayta, ket makaduktalda dagiti baro a talento a maasa pay iti biang ti sports.
