Posible nga agresulta ti nakaru a debt crisis kas iti napasamak idi 1980s, ti agtultuloy a panagado iti utang iti Pilipinas nangruna ta umaboten iti P18.55 trillion ti outstanding debt iti pagilian idi agtapos iti Mayo.
Segun ti Freedom from Debt Coalition (FDC), maysa a non-government organization, dayta ket gapu ta dadakkel pay ti ibaybayad nga utang ngem iti budget iti gobierno para iti basic services para kadagiti Pilipino, kas pinasingkedan ti State of the Debt Address iti Freedom from Debt Coalition ken AIDS Healthcare Foundation.
Arigna mangipakita pay dayta a naadiken iti gobierno iti panagutang, ta dayta iti kadarasan a wagas tapno makaala ti pondo.
No pay kasta, nalugi dagiti umili iti nasao a sistema ta namindua a daras a nagbayad dagiti ordinaryo a Pilipino; immuna ket ti panagbayad ti buwis ken maikadua ket ti kinaawan ti naurnos a serbisyo iti salun-at gapu iti agraira a korapsyon ken proyekto nga awan nagbanaganna kas kadagiti ghost flood control projects kas kinuna ni Rovik Obanil a Secretary General iti FDC.
