VIGAN CITY- Naisayangkat iti dayalogo kadagiti mannalon ti unas iti probinsiya babaen iti panangidaulo ni Sen. Cynthia Villar, chairman ti Senate Committee on Agriculture.
Naisingasing iti pannakapapintas pay iti labeling ken packaging dagiti produkto a naaramid iti unas kas iti basi nga isu iti pakabigbigan iti produkto ken pangguyugoy kadagiti customer.
Gagem iti dayalogo a matulungan dagiti mannalon a mapadur-as iti industriya ti unas nangruna ta ditoy probinsiya ket ti laengen ili ti San Ildefonso ken Sto. Domingo dagiti kangrunaan a producer ti unas.
Kabayatan met iti pannakipatang ti senadora kadagiti mannalon, inlawlawag na dagiti benepisyo ti Sugar Industry Development Act wennu Republic Act 10659 a makatulong iti panagdur-as iti inudstriya ti unas.
