Ininspeksyon ni President Ferdinand Marcos Jr. ti baro a Davao River Bridge idiay Davao City a mangpadaras iti biahe dagiti motorista kangrunaan ita a paskua.
Mailukat iti publiko iti nasurok maysa a kilometro a rangtay inton December 15.
Segun ken ni Pres. Marcos, dakkel a pakalag-anan para kadagiti taga-Davao ta bumassiten iti biahe manipod iti umabot dua nga oras ket agbalin laengen a duapulo agingga duapulo ket lima a minutos.
Pagkonektaren ti rangtay iti Barangay 76-A Bucana ken Barangay Matina Aplaya, ken mairanud iti nasurok 14,000 a motorista kada aldaw ken makissayan pay iti trapiko iti siudad.
Innayon ti presidente a maysa dayta kadagiti uppat a dakkel a proyekto iti gobierno idiay Davao idinto nga inton sumaruno a tawen ket manamnama a malpas iti Davao City Bypass Project.
