VIGAN CITY– Guilty iti kaso a grave misconduct, grave abuse of authority ken gross neglect of duty ni dati a Sta. Catalina Mayor Carlos Asuncion gapu iti mapapati a maanomalya a transaksyon na kadagiti uppat a Bayanihan ng Kabataan (BK) chapter presidents ken iti panangiparuwar na iti financial grant para kadakuada.
Dagiti kaso ket inpila ni dati a sangguniang bayan member iti ili a ni Jonathan Redoble.
Maibasar iti pammilin nga inyetnag ti Office of the Ombudsman, gapu ta saanen a nakatugaw iti turay ni Asuncion, agmuwelta laengen iti gatad a katukad iti makatawen a suweldo na kas mayor ken maikkat pay iti civil service eligibility na, saanen a mapalubusan a tumaray iti anyaman a posisyon iti gobierno ken pannakaikkat dagiti retirement benefits na.
