VIGAN CITY- Kinemmeg dagiti pannakabagi ti linteg ni Ambrocio Molina , maysa a drug surenderer a taga- Zone 1, Bantay iti naisayangkat a buy-bust operation idiay Zone 2, Bantay ta naala kenkuana ti maysa a sachet ti maatap a shabu ken lima gasut a pisos a buy-bust money.
Segun ken ni Police Inspector Christopher Bueno, Deputy Chief Of Police ti Bantay municipal police station, nabayag dan nga imon-monitor ti suspek ket naduktalan da nga agtultuloy ti transaksyon na iti iligal a droga isu nga insayangkat da ti buy-bust operation a nakakemmegan da kenkuana.,
Nainget met a pinaglibakan ni Molina iti panaglako na ti iligal a droga, ta 2003 pay laeng idi nagsardeng ta saan nan a kayat ti mairaman iti isyu iti maiparit nga agas.
Kinunana a napan laeng gimmatang ti pulutan na a barbecue ket nasdaaw ta sinabet dagiti pulis ket kinapkapadan da ket nakigtot laengen iti nakaala da kenkuana iti maatap a shabu.
