VIGAN CITY- Guilty iti kaso na a dwa a bilang ti panaglabsing ti section 3(e ) ken maysa a bilang iti kaso a panaglabsing ti section 3(g) iti anti-graft and corrupt practices act ni Santiago labanen , dati a presidente ti Abra State Institute of Science and Technology.
Nakonbiktaran pay isuna iti illegal use of public funds kas maibasar ti article 220 ti Revised Penal Code.
Maibasar iti desisyon ti Sandiganbayan, nasentensyaan ni Labanen iti innem agingga sangapulo a tawen a pannakabalud iti kada bilang ti graft ken awan iti maala na a retirement benefits.
Kalaksidanna, agbayad pay isuna ti walo gasut lima pulo ket dwa a ribo a pisos kas danyos ken tallo pulo ket innem a ribo a psos para iti kaso na nga illegal use of public funds.
Nagramot ti kaso ni Labanen idi 1987 agingga 1988 gapu iti saan na a panangideklara iti usto a gatad iti nagastos iti renovation ti girls dormitory ken vocational building ken iti saan a panangpaaprubar ti departmet of budget and management iti realignment dagiti pondo.
Karaman pay dita iti maanomalya a pannkatarimaan ti land cruiser service vehicle nga aggatad ti sanga gasut uppat a pulo a ribo a pisos ken ti kaawan ti plano ken programs of work kadagiti infrastracture project iti pagadalan .
