Pinasingkedan ni House QuadComm vice chairperson ken Antipolo Representative Romeo Acop a sentro ti criminal syndicate ni dati a Presidente Rodrigo Duterte a nairaman iti illegal drug trade.
Segun ti QuadComm, dagiti testimonia dagiti nadumaduma nga indibidual, ket mangibagbaga nagunggonaan ni Duterte iti panaglako iti droga ken imbilinna pay ti pannakapapatay dagiti drug suspects.
Karaman kadagiti kangrunaan a saksi ket dati a Customs intelligence officer Jimmy Guban, a nangibaga a ti multi-billion-peso a shabu shipment a nakumpiskar idi 2018 ket kukua ti pamilia ken kaaliado ni Duterte, ken ni dati a police Colonel Eduardo Acierto, a nangakusar ken ni Duterte a mangsalsalaknib kadagiti drug lords.
In-highlight pay ti panel ti testimonia ni Arturo Lascañas, maysa a self-confessed hitman ti Davao Death Squad, a nangibaga a ni Duterte ti nangibilin iti pannakapapatay ti 11 a Chinese citizens idi 2004.
Kabayatanna, saan pay a simmungbat ti kampo ni Duterte kadagiti alegasion.
