Umaboten iti nasurok P3 billion ti damage iti infrastructure ken agriculture sector gapu ti nagsaruno a Bagyo Tino ken Uwan kas impakaammo ti National Disaster Risk Reduction and Management Council (NDRRMC).
Umabot iti P1 billion ti gatad ti food ken non-food relief items iti naiwaras kadagiti lugar a nadidigra idinto a nasurok 90,000 a pamilia wenno 300,000 a tattao iti agtaltalinaed kadagiti evacuation center iti intero a pagilian.
Nakaited payen ti Department of Social Welfare and Development (DSWD) iti P162 million nga ayuda iti nasurok 2.25 million a pamilia a naapektaran ti Bagyo Uwan.
Maibasar iti listaan iti ahensya, nasurok 12 million iti naapektaran iti Super Typhoon Uwan ket umabot iti P2.01 billion ti nadidigra iti imprastraktura ken P182.38 million iti agrikultura.
Umaboten iti duapulo ket innem iti natay idinto a nasurok 253,000 a pagtaengan iti nadadael.
Gapu met ti Bagyo Tino ket P490.11 million iti damage iti imprastraktura ken P484.87 million iti agrikultura ken gappuanan iti 250 a natay ken nasurok 265,000 a pagtaengan iti nadadael.
