Idurduron ni Senator Camille Villar iti deliberasion ti budget iti plenaryo ti panangted ti dakdakkel a pondo para kadagiti scholar ti Department of Science and Technology (DOST).
Gagem iti panagnayon ti pondo para iti scholarship program iti ahensya a mapadur-as ken maisagana dagiti agtutubo nga agbalin nga skilled iti biang ti science and technology.
Kangrunaan nga idurduron ni Villar ti nayon a P300 million para kadagiti scholar iti science iti Philippine Science High School System (PSHSS).
Patien ti agpampanday linteg a rumbeng a maigiddan ti napaspas a panagbaliw ti science and technology ken saan a rumbeng a maibati dagiti agtutubo kadagiti panagbaliw.
Innayonna a rumbeng a mapapigsa dagiti scholar iti science ket dakkel iti maitulongda iti panagdur-as iti pagilian.
