--Ads--
Imbilin ni President Ferdinand Marcos Jr. iti panagpangato ti daily subsistence allowance iti military personnel iti Armed Forces of the Philippines (AFP) manipod P150 ket agbalin a P350.
Iti salinong ti Executive Order No. 84 a pinirmaan ni Marcos, maited ti P200 a nayon a retroactively mangrugi idi January 1.
Ti addang ket tapno suportaran ti pagsayaatan dagiti suldado kas panangbigbig ti sakripisyoda a mangikalkalintegan ti soberanya iti pagilian.
Naudin a nanayunan ti allowance idi 2015.
-- ADVERTISEMENT --
Sakupen ti panagpangato dagiti aktibo a suldado, trainees, reservist ken military cadets.
Maala ti pondo manipod 2025 budget iti AFP ken dadduma pay a pagalaan nga intuding ti Department of Budget and Management.
