Kumamakam iti maudi nga aldaw ti local absentee voting iti dadduma pay a polis a saan a nakabotos.
Iti listaan ti Philippine National Police (PNP) kangrunaan iti National Headquarters idiay Camp Crame, 958 manipod 1,471 a polis iti nagbotosen wenno 61.52% idinto a kadagiti regional offices ket 11,891 manipod 19,752 iti nakabotosen.
Nasurok 21,000 a polis iti agduduma a rehiyon iti nakipaset iti tallo nga aldaw iti local absentee voting para iti 2025 midterm elections.
Segun ken ni PNP Public Information Office Chief PCol. Randulf Tuano, manipod iti 24,848 nga aplikante ket 21,223 laeng iti inaprubaran ti Commission on Elections gapu kadagiti isyu a kas ti double voting, saan a rehistrado wenno agkurang iti dokumento.
Target iti PNP a makabotos amin a kwalipikado a polis sakbay a malpas ti local absentee voting ita nga aldaw, April 30, 2025.
