--Ads--
VIGAN CITY– Dunor iti ulo ken tumeng iti sinagrap iti maysa a lalaki gapu iti panangtagbat kenkuana iti karruba na idiay Sitio Balag, Brgy. Calao, Bucay, Abra.
Nabigbig ti biktima nga isu ni Efren Molina, agtawen iti dua pulo ket uppat, baro, awanan iti pagsapulan ken ti suspek ket isu ni BJ Molina, agtawen iti dua pulo ket dua, baro ken maysa a mannalon, agpada nga agnaed iti nasao a barangay.
Maibasar iti inisyal nga imbestigasyon, kellaat lattan a tinagbat ti suspek ti biktima iti ulo ken tumeng na.
Mapapati a susik iti napalabas iti motibo iti nasao a krimen gapu ta naamuan a napasamak daytoy kalpasan a nakaapa ti biktima iti ama ti suspek.
-- ADVERTISEMENT --
Natalgeden iti kasasaad ti biktima idinto a nakakustodiya idiay Bucay-PNP ti suspek.
