--Ads--
Inikkaten ti Department of Agriculture ti temporaryo a pannakaiparit ti panagangkat kadagiti poultry product manipud Argentina kalpasan a natamingen ti bird flu outbreak iti pagilian.
Mapalubosanen ti pannakaiserrej ti live poultry, karne ti manok, day-old chicks, itlog, ken semen kas mayataday iti regulasion.
Naipatungpal ti ban idi Marso kalpasan a naaddaan iti kaso ti bird flu idiay Buenos Aires, ngem segun iti DA, awan ti nairekord a baro a kaso ken nababa ti peggad ti kontaminasion.
Gagem ti pannakaikkat ti nasao a pagannurotan a maisubli ti normal ti panagnegosio ken agtalinaed a natalged ti lokal nga industria ti manukan.
-- ADVERTISEMENT --
