--Ads--
Pinagduaduaan ni House Prosecutor Rep. Terry Ridon ti makunkuna a lost investment ken no sadino ti naggapuan ti kuarta a naited ken ni Vice President Sara Duterte.
Segun ken ni Ridon, masapul a maikeddeng no ti bayad ket business income wenno pasuksok iti bise presidente.
Impaganetget ni Ridon a masapul a maiparang dagiti dokumento kas iti stock certificates tapno mapaneknekan no talaga nga adda investment ti bise presidente iti GenCorp wenno iti Davao firm.
Pinagduaduaanna pay no talaga a nangiruar ni Duterte iti kuarta para iti investment ken no kasano a naiyakar ti mapapati nga investment iti GenCorp.
-- ADVERTISEMENT --
