Winayaanen ti Yemen’s Houthis ti crew ti Eternity C, ti Greek-operated cargo ship a limned idiay Red Sea idi Hulyo kalpasan ti panagraut ti nasao a grupo.
Imbati ti crew ti Liberia-flagged vessel kalpasan a maulit-ulit a rinaut dagiti Houthi babaen ti panagaramat kadagiti sea drone ken rocket-propelled a granada.
Naisalakan dagiti rescuer dagiti tripulante manipud iti baybay, ngem imbalod isuda dagiti Houthis, pakairamanan ti maysa a security guard.
Segun iti Cosmoship Management, manamnama a pumanaw ti Yemen ken dumteng idiay Oman dagiti siam a Filipino seafarer, maysa a Ruso, ken maysa nga Indian national.
Sumagmamano nga aldaw sakbay ti insidente, rinaut pay ti Houthis ti Magic Seas vessel, a nangisalakan met ti intero a crew sakbay a limned. Augie Arellano
