VIGAN CITY – Innem a pulo ket tallo iti nainayon a kaso ti COVID19 ti probinsya ken maysa iti pimmusay basar ti naiparruar a datos manipod ti Ilocos Sur COVID19 Task Force.
Kadduan ti nairekord a kaso idiay ili ti Sinait a tallo pulo ket tallo a sinaruno Narvacan a lima a kaso ken maysa ti pimmusay, Candon lima, Vigan uppat, tallo ti Burgos ken Sto. Domingo, dua ti Sta. Cruz, Sta. Lucia, San Juan, Cevantes ken saggaysa ti Sta. Maria ken Santiago.
Ti agdama addaan ti probisnya ti pakabuklan a dua ribo pito gasut innem a pulo ket innem a kaso iti nasao a virus manipod nangrugi ti COVID19.
Agtultuloy iti panangpalagip ti gobyerno probinsya a suruten dagiti umili iti maipapatungpal a pagannurutan kas iti panagsuot ti facemask, faceshield ken panagbuggo ti ima.
