VIGAN CITY – Nanayunan iti dua a baro a kaso iti covid-19 iti probinsia isu nga umaboten iti siam a pulo ket lima.
Ti IS-C94 ket maysa a lalaki nga agtawen ti tallopulo ket maysa nga agnaed idiay Brgy. Poblacion, Sugpon, returning resident ken mangisursuro.
Ti pasyente ket naggurigor, nagpaparawken anosmia ket nagpositibo iti Antigen test ken addaan iti travel history na idiay Baguio City ken La Union kasta pay nga adda iti exposure-na ken adu iti contacts-na.
Naidalan iti EECQ iti critical zone, MECQ iti containment zone ken GCQ iti buffer zone manipod November 11 agingga November 25.
Ti IS-C95 ket maysa a lalaki nga agtawen ti duapulo ket lima nga agnaed idiay Brgy. San Isidro, Candon City, APOR ken College Instructor.
Naguyek ken nagpanateng ti pasyente ket awanan iti travel history, na-expose iti katrabahoanna iti high risk area ken adu ti contacts-na.
Naidalan iti EECQ iti critical zone, MECQ iti containment zone ken GCQ iti buffer zone manipod November 11 agingga November 25.
