Patulodan iti supoena ti Senate Blue Ribbon Committee dagiti contractor a saan a nakadar-ay ita nga aldaw para iti panagdengngeg mainaig kadagiti kwestyonable ken palpak a flood control projects.
Iti panangrugi ti panagdengngeg iti komite, pito kadagiti sangapulo ket lima a contractor ti dimmar-ay a mismo nga akinkukua ti simmango wenno adda met dagiti mangibagi manipud kadagiti komapnia wenno abogado laeng ti naipatulod.
Karaman kadagiti naipa-subpoena dagiti president wenno owner ti Alpha and Omega Gen. Contractor 8 Development Corporation; St. Timothy Construction Corporation; Topnotch Catalyst Builders Inc. Sunwest Inc.;Hl-Tone Construction & Development Corp.; AMO, Royal Crown Monarch Construction & Supplies Corp.; Wawao Builders; ken L.R. Tiqui Builders, Inc.
Dagus met nga inaprubaran ti komite ti subpoena ken manamnama a dagiti nadakamat ket personalton a sumango kadagiti sumaruno nga imbestigasyon.
Maipalagip nga impakita iti publiko ni Presidente Ferdinand Marcos Jr dagiti sangapulo ket lima a contractor a nakaala iti 20 percent iti pakabuklan a badyet ti gobierno para iti flood control.
