--Ads--
VIGAN CITY- Nalmes iti maysa a 28- anyos a construction worker ta nagboluntaryo a mapan mangdalus iti barado nga irrigation canal a napegges ti danum na idiay Barangay Cabanglutan, San Juan.
Segun ken ni S/Insp. Benjamin Racquedan, hepe ti San Juan municipal police station, ingalot ti biktima a ni Abegail Torda ti siket na iti poon ti ipil-ipil sa timmapog iti irrigation canal ngem gapu ta napegges ti danum, saan na a kinabaelan isu a naisurot a naiyanud agingga iti sirok ti day care center iti nasao a lugar.
Narigatan dagiti otoridad ken dagiti rescuers a nangsapul ken ti biktima ta naisingat kadagiti sanga ti kayo ken dadduma pay a rugit a naiyanud.
-- ADVERTISEMENT --
