--Ads--
VIGAN CITY- Natay ni Alejandro Rabara nga agtawen iti dua pulo ket maysa, construction worker nga agnaed idiay Nangalisan, Sta. Lucia ta binagkong ni Jefferson Vilog nga agtawen iti sangapulo ket walo nga agnaed idiay Nagrebcan, Sta. Lucia.
Agawiden ti biktima idi nalabsan na nga agprobprobokar ti suspek isu nga inanawa na ngem nakapungtot ti suspek ket nagsinnungbat da agingga a binagkong ti suspek ti biktima.
Naitaray idiay Sta. Lucia District Hospital ti biktima ngem naideklerar a dead on arrival.
