VIGAN CITY– Inyistorya ni dati nga Ilocos Sur governor Luis “Chavit” Singson dagiti padas na idiay Mandalay Bay Resort and Casino ,Las Vegas a nakapasamakan ti massive shooting a nakatayan ti nasurok lima pulo a tattao.
Iti eksklusibo a pannakiuman ti Bombo Radyo Vigan kenni dati a gobernador Singson, ti after-fight concert ni Senador Manny Pacquiao kalpasan iti panangpanabtoog na iti boksingero a ni Miguel Cotto iti maysa kadagiti kapintasan a padas na iti nasao a casino and resort.
Kabayatanna, inpanakkel ni Singson a no ag-casino isuna idiay Las Vegas ket mangitugot ti kuarta a para laeng iti sugal ket no maabak, insigida nga agawid tapno mailisi iti utang.
Innayonna a no VIP ti kliyente ti maysa a casino idiay Las Vegas ket adda ti espesyal a pribilehiyo kas ti libre a sakay ti eroplano idinto a dagiti awan capital na ket mapautangan ti kuarta wenno kotse isu a dagiti dadduma ket maigamer iti utang ken agbalin a desperado no maabak .
