Agingga Hunyo 30 ti pawayway ti Commission on Elections a mangrisut kadagiti disqualification petitions kagiddan ti panangibaga ni chairman George Garcia a nakaipilan ti Task Force Baklas iti kaso kontra kadagiti limapulo a kandidato gapu iti campaign posters ken materials-da.
Nangituding met ti Comelec iti pagannurotan iti maximum size para kadagiti material a naipost iti puliko idinto a saan met a mabalin kadakuada ti panangibilin ti pannakaikkat dagiti campaign material nga adda kadagiti private property.
Inlawlawag met ni Garcia a ti panangipila iti disqualification case ket saanna kayat a sawen nga automatic disqualification para iti kandidato.
Kabayatanna, namnamaen ti opisial nga ad-adunto pay ti disqualification petitions manipud iti publiko inton aldaw ti eleksyon.
