Nagpirma ti katulagan ti Commission on Elections (Comelec) ken ti Presidential Task Force on Media Security (PTFoMS) tapno masigurado ti kinatalged ken karbengan dagiti media nga ag-cover inton sumaruno nga eleksyon.
Segun ken ni Presidential Task Force on Media Security Executive Director USec. Paul Gutierrez, ti addang ket gagem iti gobierno a maaddaan ti natalged a media environment para ti amin a journalist iti pagilian nangruna nu eleksyon.
Ti nasao a memorandum of agreement iti nagbaetan ti dua nga ahensya ket umuna a gundaway manipod ti maysa a constitutional body ken ti Presidential Task Force on Media Security a nakatutok iti panangsigurado ti kinatalged dagiti journalist.
Maiparit iti aniaman a pangta, harassment, illegal detention, torture ken kinaranggas kontra ti siasinoman a miembro ti press.
VIDEO – PTFoMS DIRECTOR USEC. PAUL GUTIERREZ
Segun ken ni Comelec Chairman George Garcia, immanamongda iti panagpirma ti MOA ta mapadpadasan met laeng ti kasta a sitwasyon dagiti poll worker nu eleksyon.
VIDEO – COMELEC CHAIRMAN GEORGE GARCIA
