Nakasaganan ti Comelec- Ilocos Sur iti maisayangkat a National and Local Election inton May 12, 2025.
Segun ken ni Provincial Election Supervisor Atty. Marino Salas, nakasangpeten amin dagiti balota ken election paraphernalias a ti naudi a batch a naiturn over kadakuada ket naawatda iti alas dos iti parbangon idi kalman.
Dagiti nasao nga official ballot ket manarimaanen iti pannaka-verify na tapno naannayas to iti pannakaaramat inton panagpipili ket nangrugin iti deployment dagitoy kadagiti agduduma a polling precint centers iti probinsia.
Impaganetget ni Salas nga iti baet a narikot iti eleksyon ket masapul a sayaaten a nalaing iti panagpili ta para iti sibubukel a gobierno ken pagilian iti panagpili iti mangidaulo isu a balakadna kadagiti umili nga isagana iti bagbagi tapno natalged ken naannayas ti panagbotos.
