Kinumpirmaran ti Philippine National Police nga aglemlemmeng idiay Boracay ti co-mastermind iti pannakadukot ken pannakapapatay ti negosyante a ni Anson Que a ni Kelly Tan.
Segun ken ni PNP Spokesperon PBGen. Jean Fajardo, namin-ano nga immakar iti hotel ti suspek idiay Boracay tapno aglemmeng kadagiti otoridad.
Maibasar iti naawatda nga intelligence reports, manipud Abril 26 agingga Mayo 1, adda idiay Henann Garden Resort ni Kelly idinto nga idi May 1-15 ket immakar idiay Summer Place Boracay.
Kadua a naarestar ni Kelly ti hairdresser a ni Wu Jabing a nagcheck in para ken ni Kelly kadagiti resort idiay Boracay.
Naala manipud ken ni Wu Jabing ti maysa a mask nga adda wig na a posible a naaramat tapno ilibas ni Kelly a rumuar iti pagilian.
Iti agdama, dumaldalan iti inquest proceeings dagiti dua iti Department of Justice mainaig iti kaso a panaglabsing iti Immigration law.
