Nangibingay ni Quezon City 5th District Representative Patrick Michael Vargas iti linteg a panangipatakder ti klinika para kadagiti teenager moms kadagiti pampubliko nga ospital.
Panggep daytoy ti naan-anay, naururnos, ken kumpleto a healthcare kadagiti masikug nga agtutubo a babbai.
Iti daytoy a linteg, maaddaan ti prenatal, postnatal, ken counseling services para kadagiti agtutubo nga ina, kasta met a mapapigsa dagiti pasilidad ti DSWD tapno maprotektaran dagiti agtutubo kontra ti sexual abuse.
Inpaganetget ni Vargas a dumakdakkel ti bilang ti teenage pregnancy mayanatop iti sexual abuse, statutory rape, incest, ken exploitation.
Karaman iti linteg iti PhilHealth coverage, skills training, reproductive health education, ken proteksion tapno saan nga agsardeng nga agbasa dagiti agtutubo a masikug wenno maawanan trabaho.
