Impaganetget ni Presidente Ferdinand Marcos Jr. ti kinapateg ti circular solid waste management tapno maksayan ti basura a mangsullat kadagiti kanal ken karayan ken mangpakaro iti layus.
Iti siudad ti Marikina, 400,000 a kilo a basura ti naurnong ken 55% ti na-recycle tapno maaramid dagiti eco bag, bricks, tugaw ti pagadalan, ken compost, bayat a nakatulong met ti panagdalus iti karayan tapno malapdan ti layus.
Indagadag ni Marcos kadagiti dadduma a siudad a tuladen ti sistema ti Marikina kas paset ti ad-adda nga epektibo a flood management iti layus ken panagsagana iti epekto ti panagbalbaliw ti klima.
Kabayatanna, inyawat ti DPWH sadiay Cavite ti 35-ektaria nga Imus Retarding Basin, a pinunduan ti JICA, tapno temporario a maidulin ti sobra a danum ti tudo ken makatulong a mangkissay iti peggad ti layus iti Imus, Bacoor, ken asideg a lugar.
