VIGAN CITY – Imbestigaran ti Commission on Human Rights nu anya iti motibo iti pannakapapatay ti dati a mangidaulo ti Bureau of Correction’s legal division a ni Atty. Frederick Santos a maysa kadagiti testigo ti Senado inaig dagiti anomalya iti implementasyon ti Good Conduct Time Allowance law.
Dayta iti inpanamnama ni CHR spokeswoman Atty. Jacqueline De Guia iti pannaki-uman kenkuana ti Bombo Radyo Vigan.
Allukoyen da dagiti law enforcement agency a makitinnulong kadakuada tapnu maduktalan iti kinapudno agsipud ta patienna nga adda iti nalawag a plano a mangpa-ulimek kadagiti whistleblower tapno saandan nga agtestigo pay a kas napasamak ken ni Santos agsipud ta nakasagana kuma pay manen nga agsarita idiay Senado inaig dagiti ammo na nga anomalya idiay Bureau of Corrections.
Kagiddan iti dayta ket ingunamgunam ni De Guia a masapul a maadal a naimbag ti GCTA ta kasapulan a nasayaat ti pannakaipatungpalna ken kunana a rumbeng pay nga adda ti mekanismo ti gobierno para iti seguridad dagiti opisial a mangipatungpal ti GCTA law.
