Nainget a bambantayan ti Philippine Coast Guard (PCG) ti Chinese research vessel Song Hang bayat ti panagdalyasatna iti Philippine archipelagic waters nga agturong idiay Celebes Sea.
Segun ti PCG, nakita ti barko iti 37 nautical miles iti bagatan ti Cuyo Island idi Abril 1.
Nupay adda karbengan iti innocent passage kas kinuna ti United Nations Convention on the Law of the Sea ket siguradoen iti PCG a nainget ti panagbantayda tapno masigurado ti panangsurotda kadagiti linteg iti kabaybayan ti pagilian.
Nagdeploy ti PCG kadagiti aerial assets-da para iti nainget a surveillance ken situational awareness tapno agtultuloy a mataripato ti soberanya iti pagilian, seguridad ti maritime domain ken kinatalged dagiti lugan iti kabaybayan iti teritoryo iti pagilian.
