Patien ti Philippine Coast Guard (PCG) for the West Philippine Sea Commodore Jay Tarriela a suportaran iti China ti siasinoman a kandidato iti 2028 General Elections a saan a mangsupsuportar iti karbengan iti Pilipinas idiay West Philippine Sea.
Imballaag ti opisyal a sigurado a mangipakita ti suportar ti Chinese government kadagiti kandidato iti national polls a saan a mangkukwestyon iti presensya iti China a pagin-innagawan a kabaybayan.
Siguradoenna nga ikarkaru pay iti China ti information operations-da bayat nga umadanin iti eleksyon.
Kinunana a nangruna iti operasyon iti Foreign Information Manipulation and Interference (FIMI) iti China a posible a makibiang sakbay iti eleksyon tapno manipulaen ti public opinion iti kayatda a mapasamak.
Gapu dayta ket kasapulan a lapdan ti nakaru a disinformation a sigurado nga isayangkat ti Chinese government kangrunaan iti sarita iti dadduma a politijo a mangsupsuportar pay laeng iti naratibo iti China.
Innayonna a no malapdan ti transparency initiative iti gobierno maipanggep ti WPS ket posible nga inton 2028 ket malipatanen dagiti Pilipino no siasino dagiti politiko a napaay a nangitakder iti posisyon iti Pilipinas idiay West Philippine Sea.
