--Ads--
VIGAN CITY- Nakumpirmaran a ni Anthony Diosdado Uycoque Arceo, agtawen iti lima pulo ket pito, naasawaan ken taga-Cavite ket saan laeng a coach ngem ketdi isu iti chief umpire ti softball games ti Batang Pinoy Luzon leg Games 2017 ditoy syudad.
Maipalagip a ni Arceo ket nasarakan dagiti kakadua na nga awan poot na iti uneg iti kwarto iti nagdagusan da nga Inn isu nga inpan da idiay Ilocos Sur Provincial Hospital-Gabriela Silang ngem naideklerar a dead on arrival.
Segun iti kakwartoan ti biktima a ni Joel Binerao, inbati da ni Arceo iti uneg iti kwarto tapnu aginana ket idi nagsubli dan, nakita dan nga awan poot na ken mapapati a saanen nga aging-anges.
