Impakaammo ti Commission on Higher Education nga inaprubaranda ti kaunaan a transnational higher education programs iti Mapua University ken Arizona State University tapno masigurado ti international education nga agbalin nga accessible kadagiti estudyante iti pagilian.
Segun ken ni CHED Secretary Popoy De Vera, babaen ti Transnational Higher Education Law ket makaaramid ti sabali a wagas dagiti estudyante a maka-access ti international education, mapasayaat ti skills-da iti specialized area ken competitiveness iti global field.
Ti Transnational Higher Education Act wenno Republic Act No. 11448 ket na-enact idi 2019 ta gagem a madevelop ti globally competitive workforce, talent ken innovations.
Naimandato ti CHED ti linteg tapno agdevelop ti epektibo a transnational higher education programs ken institutions iti pagilian.
