--Ads--
Mamati ni dati nga Ilocos Sur Governor Chavit Singson a marigatan a makalung-aw ti Pilipinas gapu iti dakkel nga utang ti pagilian.
Segun ken ni Singson, awanen namnama ti pagilian ta umaboten iti P19 trillion ti utangna ket P2 trillion ti tinawen a mabayadan.
Ti panangdakamat ni Singson iti nasao a banag ket kalpasan a masaludsod ti rekasionna no bilang paayaban ti Senate Blue Ribbon Committee mainaig iti imbestigasion iti maanomalya a flood control project ti gobierno.
Kinuna pay ti dati a gobernador a nakasagana nga agsubli iti Senado no maimbitaran wenno mapaayaban.
-- ADVERTISEMENT --
